Միջդպրոցական մրցույթ

Միջդպրոցական մրցույթ

 

2023 թվականի նոյեմբերին Tesvan-ի թիմը կազմակերպեց միջդպրոցական մրցույթ՝ նպատակ ունենալով բացահայտելու մեր կողքին ապրող տաղանդավոր աշակերտներին:

 

Մրցույթի առաջին փուլն անցկացվեց Սևան համայնքի 14 դպրոցներում և Սևանի բազմագործառութային պետական քոլեջում, որին մասնակցեցին 448 աշակերտներ։ Այս փուլում մասնակիցներին տրամադրվեց թեստ՝ բաղկացած 30 տրամաբանական և ընդհանուր գիտելիքի ստուգման հարցերից, որոնցից 5-ը կազմված էին անգլերեն լեզվով։ Արդյունքում, լավագույն 30 աշակերտները, գրանցելով ամենաբարձր ցուցանիշները, անցան հաջորդ փուլ։

 

Արդեն դեկտեմբերին Tesvan-ի գրասենյակում անցկացվեց միջդպրոցական մրցույթի 2-րդ փուլը՝ հանրահայտ «Ի՞նչ, որտե՞ղ, ե՞րբ» խաղի ձևաչափով։ Բոլոր մասնակիցները ստացան անակնկալ նվերներ, իսկ ամենաբարձր միավորներ հավաքած 6 աշակերտներն հաջողությամբ անցան 3-րդ փուլ։

 

Վերջին փուլը նույնվեց անցկացվեց մեր գրասենյակում։ Հնչեցին մասնակիցների ընդհանուր գիտելիքները ստուգող և տրամաբանական հարցեր։ Ի վերջո, հաղթող ճանաչված 3 մասնակիցներն, ինչպես խոստացել էինք, ստացան համակարգիչներ։

 

Երկրորդ փուլ անցած 30, ինչպես նաև մրցույթի առաջին փուլի ընթացքում լավագույն արդյունք ցուցաբերած ևս 10 մասնակիցների հետ Tesvan-ի թիմն արդեն իրականացնում է ոլորտին վերաբերող վերապատրաստումներ՝ օգնելով նրանց ՏՏ ոլորտում մասնագիտանալու և կարիերան սկսելու հարցում: 

 

Եվս մեկ կարևոր նախագիծ այսուհետ իրականություն է՝ ի շնորհիվ մեր թիմի համակարգված ու միասնական աշխատանքի։ 

Այսքանով, սակայն, մեր նախագծերը չեն ավարտվում։ Շատ շուտով կմեկնարկեն հաջորդ մրցույթների կազմակերպման և իրականացման աշխատանքներն արդեն այլ քաղաքներում։