Փափուկ հմտություններ որակի ապահովման մասնագետների համար

Գաղտնիք չէ, որ յուրաքանչյուր մասնագետ, անկախ նրանից, թե որ ոլորտում է աշխատում, բացի պահանջվող տեխնիկական գիտելիքներից և հմտություններից պետք է տիրապետի որոշ soft skill-երի:
Soft skill-երն արտացոլում են ձեր հուզական ինտելեկտը և ձեր՝ թիմի անդամների հետ շփվելու ունակությունը, դրանով իսկ որոշում, թե որքան հաջողակ եք / կլինեք ձեր թիմում:
Դա ոչ թե այն է, ինչ դուք պարզապես պետք է նշեք ձեր CV- ում, այլ այն, ինչ դուք պետք է ցուցադրեք ձեր ամենօրյա աշխատանքում:
Ստորև ներկայացված է թերևս ամենակարևոր soft skill-երի հնգյակը, որոնց յուրաքանչյուր QA engineer պետք է տիրապետի՝ կարիերայում հաջողության հասնելու համար:

Communication
Կասկած չկա, որ հաղորդակցությունը յուրաքանչյուր QA engineer-ի աշխատանքային գործընթացի էական մասն է կազմում։ Նշենք, որ այստեղ մենք խոսում ենք ինչպես բանավոր, այնպես էլ գրավոր հաղորդակցության մասին:
Որպես թեստավորող ՝ դուք պետք է արդյունավետորեն հաղորդակցվեք ձեր թիմի հետ (ներառյալ ինչպես տեխնիկական, այնպես էլ ոչ տեխնիկական անձնակազմը), այնպես,որ կարողանաք հեշտությամբ հասկանալ միմյանց: Հատկապես կարևոր է հաղորդակցությունը ծրագրավորողների հետ, քանի որ յուրաքանչյուր թեստավորողի աշխատանքի նպատակը bug-եր հայտնաբերել և դրանք համապատասխան մասնագետի ուղղելն է, և որպեսզի հետագայում bag-երը ֆիքսվեն անհրաժեշտ է հաղորդակցվել գրագետ և երկու կողմի համար հասկանալի կերպով։ Այսպիսով՝ հաղորդակցման ընթացքում թույլ տված ցանկացած վրիպում ռիսկի է ենթարկում ողջ համակարգի անխափան աշխատանքը։

Time Management skills
Time Management skill-ն անհրաժեշտ է ցանկացած աշխատողի համար։
Լավ time management-ը ենթադրում է հետևյալ հմտությունները: multitasking, prioritizing, scheduling, appointment managing, delegation, planning և այլն։
Այլ կերպ ասած, այն ձեր՝ աշխատանքային ժամանակը արդյունավետ կառավարելու ունակությունն է, որի շնորհիվ դուք կարող եք տեղավորվել ցանկացած ժամկետներում, իսկ աշխատանքային գործընթացը կարող եք դարձնել համակարգված և կազմակերպված։
Time management-ում առանցքային դեր է խաղում կենտրոնացումը, քանի որ շարունակաբար մի առաջադրանքը թերի կատարելով մյուսին անցնելը կարող է ազդել ձեր աշխատունակության վրա և հանգեցնել սթրեսային իրավիճակների։

Attention to details
Մեկ այլ soft skill, որը ցանկացած QA engineer պետք է ունենա, դա մանրուքների հանդեպ ուշադրությունն է։ Այն շատ կարևոր է, անկախ այն բանից,թե աշխատանքային ինչ գործառույթ եք իրականացնում։
Լինել detail-oriented նշանակում է ունենալ ձեր ճանաչողական ռեսուրսները կենտրոնացնելու կարողություն` ձեր խնդիրները լուծելիս կատարելության և ճշգրտության հասնելու համար: Նույնիսկ աննշան bug-ի հայտնաբերումը կարող է որոշիչ դեր ունենալ ամբողջական համակարգի կայուն աշխատանքի ապահովման հարցում։ Այսպիսով՝ պետք չէ թերագնահատել մանրուքների հանդեպ ուշադրության անհրաժեշտությունը։

Fast-learning
ՏՏ ոլորտը գտնվում է անընդհատ աճի և զարգացման մեջ։ Մրցունակ մասնագետ մնալու համար դուք պետք է կարողանաք համահունչ քայլել ժամանակի բոլոր թելադրանքների հետ։
Դուք պետք է պատրաստ լինեք ցանկացած մարտահրավերների, օրինակ՝ տիրապետել ձեր ղեկավարության կամ հաճախորդի կողմից պահանջվող նոր գործիքների կամ մոտեցումների։Դա անհնար է առանց արագ սովորելու կարողության, ճկունության և սթրեսակայունության։
Արագ սովորելու հմտությունից բացի, կարող ենք նշել նաև ինֆորմացիա որոնելու հմտությունը, քանի որ շատ դեպքերում դուք պետք է կարողանաք ինքնուրույն գտնել ձեզ անհրաժեշտ տեղեկատվությունը, և դա կարող է պահանջել հատուկ հմտություններ:

Confrontation skill / Strong character
QA engineer լինելը պահանջում է ձեր տեսակետը պաշտպանելու ունակություն, անգամ եթե ոչ ոք համակարծիք չէ ձեզ հետ։
Դուք պետք է ունակ լինեք հակադարձել, ապա բանակցել և վերջապես «ստիպել» ձեր զրուցակիցներին` լսել և հաշվի առնել ձեր կարծիքը: Հակառակ դեպքում, դուք չեք կարող հաջողության հասնել և աճել այս ոլորտում: