Մեր նախագծերն ըստ ոլորտների

Տեսվանը, որպես որակի ապահովման ծառայություններ մատուցող աութսորս ընկերություն, զբաղվում է մի շարք նախագծերի թեստավորմամբ։ Այդ նախագծերը պատկանում են տարբեր բիզնես կատեգորիաների ու դրանց հետ աշխատանքը բավականին հետաքրքիր է։
Յուրաքանչյուր նախագիծ ղեկավարվում է մեկ կամ երկու մասնագետի կողմից։ Ինչպես արդեն նշել ենք մեր նախկին հոդվածներում, մենք խրախուսում ենք թիմային աշխատանքը։

Յուրաքանչյուր նախագիծ ունի իր առանձնահատկություններն ու նրբությունները: Այսպիսով, դրանցից յուրաքանչյուրը պահանջում է անհատական մոտեցում և յուրահատուկ աշխատանքային տեխնիկա։
Հաջողության հասնելու համար թեստավորողները պետք է խորասուզվեն նախագծի մեջ, հասկանան հիմնական բիզնես տրամաբանությունը, հստակ պատկերացնեն բոլոր աշխատանքային հոսքերը, և միայն դրանից հետո նրանք կարող են հանձն առնել թեստավորողի հիմնական պարտականությունը՝ կազմակերպել և կառավարել թեստավորման գործընթացը:
Ավելին, յուրաքանչյուր թեստավորող պետք է ի վիճակի լինի պատասխանատվություն ստանձնել համապատասխան նախագծի համար: Պատրաստ լինի դիմակայելու բոլոր մարտահրավերն և կրել հնարավոր ռիսկերը։

Այս պահին մենք որդեգրել ենք հետևյալ մոտեցումը.
Տեսվանի ղեկավարությունը ձգտում է հնարավորինս լավ ճանաչել յուրաքանչյուր աշխատակցի: Նախ, դա ուղղված է յուրաքանչյուր աշխատակցի ուժեղ ու թույլ կողմերը, ինչպես նաև հետաքրքրությունները բացահայտելուն:
Ինչո՞ւ։ Որովհետև դա կօգնի մեզ ընտրել համապատասխան մարդուն յուրաքանչյուր նոր նախագծի համար:

Բարեբախտաբար, մենք ունենք միայն դրական փորձ վերը նշվածի հետ:
Մեր ճկուն թիմի և խելամիտ կառավարման մոտեցման շնորհիվ մենք միշտ հաջողում ենք:

Հիմա եկեք խոսենք մեր նախագծերի մասին՝ ըստ բիզնեսի տարբեր ուղղությունների:

Blockchain
Բլոկչեյն կոչվող նոր «աշխարհ» մուտք գործելը մեզ համար մի փոքր դժվար էր, բայց՝ չափազանց հետաքրքիր: Որպեսզի կարողանայինք լավագույնս կազմակերպել թեստավորման գործընթացը, մենք պետք է լրջորեն ուսումնասիրեինք այս ոլորտն ու շատ գիտելիքներ ձեռք բերեինք նախքան բուն թեստավորմանն անցնելը:
Նախ, ծանոթացանք կրիպտոարժույթների, կրիպտո-դրամապանակների և հարակից այլ երևությների հետ ( p2p protocols, smart contracts, Proof of Work (PoW):
Ապա մեզ տրամադրվեց լոկալ բլոկչեյն՝ թեստավորումն իրականացնելու համար:

Լուսինե - Ես սիրում եմ ինձ փորձել տարբեր նախագծերում և նոր հորիզոններ բացահայտել ինձ համար: Այսպիսով, ես սկսեցի աշխատել բլոկչեյն թեստավորման նախագծի վրա՝ իմանալով, որ այն ինձ համար գուցե փոքր ինչ մարտահրավերային լինի։ Սակայն, ես չէի կարող պատկերացնել, որ աշխատանքն այդ տիրույթում այսչափ հետաքրքիր կլինի:

Ֆինանսներ և ապահովագրություն
Մենք աշխատել և աշխատում ենք խոշոր ծրագրերի հետ այս ոլորտից։
Դրանք տարբեր հավելվածներ են՝ տարբեր առանձնահատկություններով, բայց մեկ ընդհանրությամբ. այս տեսակի հավելվածները շատ բարդ են ինչպես մշակման, այնպես էլ թեստավորման տեսանկյունից:
Այսպիսով, ֆինանսական հավելվածների թեստավորումը պահանջում է չափազանց մանրակրկիտ և վերլուծական մոտեցում։
Թեստավորման շրջանակներում մեր մասնագետները գործ են ունենում այնպիսի կարևոր գործընթացների հետ, ինչպիսիք են փողերի լվացման և խարդախության դեմ պայքարը: Այդ գործողությունները հսկայական նշանակություն ունեն բիզնեսի տեսանկյունից, քանի որ դրանք կոչված են կանխելու բոլոր տեսակի անօրինական գործողությունները, որոնք վտանգ են ներկայացնում ընկերության և ամբողջ երկրի տնտեսության համար։

Մերինե - Անգամ ամենաբարդ ալգորիթմները հեշտ են թվում, երբ աշխատում ես սիրով։

Gambling
Եվս մեկ հետաքրքիր ոլորտ, որտեղ մեր թիմը ունեցավ փորձառություն։
Դրամախաղային հարթակի թեստավորումը հեշտ չէ, այն պահանջում է փորձ, հմտություններ, նորագույն տեխնոլոգիաներ և գործիքներ:
Մենք զբաղվել ենք սպորտային խաղադրույքների և առցանց կազինոների համար թեստավորմամբ։
Մենք իրականացրել ենք ամբողջական թեստավորում, որն ընդգրկում էր բոլոր հետևյալ կետերը՝ Համատեղելիության թեստավորում, Ֆունկցիոնալ թեստավորում, Ներթափանցելիության թեստավորում, Կատարողականության թեստավորում, Կիրառելիության Թեստավորում:

Արմենակ- Աշխատանքն ընդհանուր առմամբ հետաքրքիր էր:
Մարտահրավերը, որին ես բախվել եմ, դրամախաղերի հիմնական տրամաբանությունը հասկանալն էր, այն ստացվեց միայն ժամանակի ընթացքում։
Կար դինամիկա, որն ինձ մղում էր սովորելու և բացահայտելու ավելին ու ավելին: Հարցին՝ կա արդյոք վտանգ նման խաղերով տարվելու թեստավորման ընթացքում, իմ պատասխանը միանշանակ է՝ ՈՉ։
Անկեղծ ասած, ես երբեք չեմ հետաքրքրվել նման խաղերով։ Եվ հիմա, արդեն ունենալով փորձառոթյուն դրամախաղերի թեստավորման մեջ և հստակ պատկերացնելով, թե ինչպես են դրանք գործում, վստահաբար կարող եմ ասել, որ նման խաղերն ինձ համար չեն: Բայց թեստավորում ՝ այո, կանեմ հաճույքով։


Հեռահաղորդակցություն
Մենք ունենք փորձ զբաղվելու հեռահաղորդակցական ընկերության խոշոր նախագծերից մեկի թեստավորմամբ:
Այստեղ մարտահրավերներից մեկն այն էր, որ մենք գործ ունեինք microservice-ների հետ, որոնք ավելի բարդ են՝ համեմատած մոնոլիտ հավելվածների հետ։
Մենք գործ ունեինք շատ պատասխանատու և կարևոր ոլորտի հետ։ Թեստավորումը պահանջում էր հետևողականություն, ճկուն մտածելակերպ և տեխնիկական հմտություններ: Այստեղ թեստավորման գործընթացը ենթադրում էր նաև աշխատանք հսկայական տվյալների բազաների հետ, տվյալների անվտանգության պահպանման համակարգերի հետ։

Անդրանիկ - Միայն մի բան կցանկանամ ասել.
Մի թերագնահատեք փոքր, առօրյա երևույթները։ Դուք նույնիսկ չեք կարող պատկերացնել, թե որքան աշխատանք է թաքնված պարզ SMS-ի հետևում, որը ստանում եք ամեն անգամ ձեր հաշիվը լիցքավորելիս:


AR/VR
Եզրափակենք ցանկը ևս մեկ հետաքրքիր, բայց ոչ պակաս դժվար փորձառությամբ:
AR/VR տեխնոլոգիաների թեստավորումն առաջին հայացքից կարող է բարդ և վախեցնող թվալ:
Սակայն այն իրականում այդպիսին չէ, եթե դուք գադջեթների սիրահար եք։
Այստեղ հաջողության հասնելու համար թեստավորողները պետք է հետաքրքրված լինեն նոր տեխնոլոգիաներով, ունենան ոչ ստանդարտ մտածողություն և պատրաստ լինեն անդադար նորը սովորելու։
Այս գործընթացում առաջնային է հասկանալ, թե ի՞նչ ենք մենք թեստավորում: Ինչի՞ համար է այն նախատեսված:
Այս հարցերի պատասխաններն ունենալուց հետո ամեն ինչ հարթ է ընթանում։

Դավիթ - Ես ոգևորված էի AR/VR թեստավորում կատարող թիմում ներգրավվելու համար: Ես միանգամից սուզվեցի նախագծի մեջ և պարզապես վայելեցի աշխատանքային գործընթացը: Թեստավորման վրա աշխատելիս ես նաև շատ նրբություններ եմ սովորել, որոնք այլ տեղ դժվար թե գտնեի։